lunes, 31 de diciembre de 2012

ALARMANTE TRAYEUTORIA DEL PARU NEL CONCEYU DE LLANGRÉU




Como podemos ver, el nivel de paru nesti Conceyu de Llangréu sigue medrando al tiempu que medra el nivel demográficu, datu qu'amuesa la gravedá de la situación real. Paez ser que'l nuevu añu va siguir siendo un añu onde'l desemplegu medre.

Esti ye'l resultáu de los efeutos más miserables de la crisis capitalista, d'alcuerdu. Pero tamién ye'l fracasu d'un modelu socioeconómicu y políticu implantáu nesti conceyu y en les cuenques mineres asturianes dende hai décades. Esti ye'l resultáu del esmantelamientu industrial progresivu que vivimos.

¿Qué pasó entós? Munchos firmaron esi esmantelamientu llaboral a cambiu d'una mal nomada "Reconversión Industrial" qu'enxamás llegó. En vez de escoyer el camín más racional, el de reindustrializar el conceyu aprovechando les vieyes infraestructures, remocicándoles y empobinando un modelu industrial masivu pero más caltenible y saludable, los que remanaron los fondos mineros y otres partíes públiques prefirieron secuestrar les perres de toos y toes

Creaeron redes clientelares, corrupción y macro-estructures qu'enxamás tuvieron gran utilidá social pero que quedaben mui guapes. Crearon anestesia coleutiva y ciertu aspeutu d'apaciguamientu y bientar social. Agora, venti años depués, tamos asistiendo a les consecuencies de la non reindustrialización de Llangréu y d'esi modelu llaceriosu. Siguiremos asina mentantu nes alministraciones polítiques nun haya representación popular daveres y mentantu les decisiones polítiques qu'afeuten a toos seyan tomaes a puerte zarrada en despachos. Poro, güei más que nunca, necesitamos DEMOCRACIA POPULAR Y PARTICIPATIVA conceyu abiertu por Llangréu

sábado, 22 de diciembre de 2012

Solidaridá.






Los y les trabayadores d'Aguas de Langreo y de los Talleres Jesús Álvarez tan esta selmana lluchando pol so futuru y pola so dignidá. Estes empreses de Llangréu tan nuna mala situación y los sos dirixentes son los másimos responsables d'ello pero como siempre los trabayadores paguen les consecuencies.

N'Aguas de Langreo tan lluchando por que quieren otru modelu d'empresa y otra xestión. Quedaron ensín paga de navidá decenes de families humildes mentantu los responsables de la situación económica d'esta empresa mixta viven perbien. Depués de munchos atropellos decidieron entamar la llucha y esta selmana cellebraron una xornada de fuelga y una concentración reivindicativa énte la Casa Conceyu.

Per otru llau la situación nos Talleres Jesús Álvarez, asitiaos en Valnalón, ye ainda pior. Plantegose un ERE que quier faer un despíu masivu, una riestra de suspensiones de contratos pa 2 años y qu'amenorga la xornada llaboral ( y el salariu) de 3 persones d'alministración. Qu'esti ERE salga alantre supondría práuticamente el desaniciu d'esta empresa. Tan faciendo yá paros parciales y van siguir mañana 20, el 21 y el 26 d'avientu ente les 13:00 y les 15:00 hores.

Ciertamente, estes dos situaciones yá pasaron munches vegaes nel Conceyu de Llangréu colos mesmos nomes d'empreses o con otros, nun importa. El casu ye que l'esmantelamientu del texíu industrial y llaboral d'esti conceyu avanza pasu a pasu y la precariedá paez que se quier normalizar como modo de trabayu común.

La llucha n'Aguas de Langreo y los Talleres Jesús Álvarez lo qu'amuesa ye que estos conflictos espeyen la situación permala que vive Llangréu y la clas trabayadora. Dende Conceyu Abiertu por Llangréu llamamos a toles persones del conceyu a tratar d'amosar la so solidaridá colos trabayadores afeutaos. Güei son ellos y elles, pero mañana puedes ser tú mesmu. Nun se trata de seutores productivos, hemos de romper con esa idea, son trabayadores y vecinos, como tú, que viven la mesma situación d'agresión capitalista ya imposiciones antisociales que tol Pueblu Trabayador ta sufriendo. SOLIDARIDÁ.

lunes, 17 de diciembre de 2012

El desmantelamientu de les cuenques avanza.

El pozu Candín zarrará l'ún de Xineru 

 

Hunosa anunció'l pieslle del pozu llangreanu de magar l'ún de Xineru, fechu que provocó delles protestes nes sos instalaciones.
Hunosa anunció meses atrás, dientru'l del so plan de pieslle programáu d'instalaciones mineres, el zarru del pozu Candín como primer pieza a baltiar durante l'añu 2013. Los planes asoleyaos por Hunosa a entamos del presente añu espeyaben que durante'l primer trimestre de 2013 pesllaríase Candín, y en 2014 Sotón y María Luisa. Sicasí, los retayos nos fondos mineros podríen adelantar el zarru d'estos y otros pozos, custiones que dirán viéndose col pasu los meses. Amás, la falta de feches concretes facía a los mineros de Candín confiar nel caltenimientu de les instalaciones durante más meses.
L'anunciu d'Hunosa de poner fin a l'actividá de Candín en cuantes entre l'añu 2013 provocó delles protestes de trabayadores, como un intentu d'enzarru, "sofocaos" por representantes sindicales. El fin de les protestes pol recorte de fondos destinaos a la minería ta dexando un regueru constante de despidos, pieslle d'instalaciones, mengües nos sueldos, Espedientes de Regulación d'Emplegu, etc.
Ante ello, l'inmovilismu de CC.OO y SOMA ye manifiestu dende'l fin de la fuelga minera nel branu, na qu'ún de los puntos de movilización importantes tuvo nesti pozu llangreanu, con enzarros que duraron meses y concentraciones y protestes nos esteriores práuticamente a diariu. Agora la so plantilla ve cercanu'l zarru.

infoasturies.net

 

sábado, 8 de diciembre de 2012

lunes, 3 de diciembre de 2012

Escontra la constitucion de 1978


¡PARTICIPA Y DIFUNDE!

La organización de mocedá soberanista y revolucionario Darréu entama un pasucais informativu baxo'l llema "Nin borbón, nin constitución: Llibertá p'Asturies" nel Día de la Constitución Española. L'actu sedrá en Mieres del Camín esti xueves 6 d'avientu, cuando se cumplen 34 años de la farsa democrática española. L'actu entamará a les 12:30 hores dende la popular Plaza de Requ
exu y nesti actu mozos y moces fadremos un repartu de material informativu críticu na villa mierense.

viernes, 30 de noviembre de 2012

Los trabayadores de Enferbus, reclamen a la empresa lo que ye d’ellos.






Dende Conceyu Abiertu por Mieres, va meses, llanzamos un comunicáu que denunciaba'l precariu estáu de los autobuses en cuantu a materiales como asientos ensín denguna estabilidá, suelos que funden cuando pises, ventanes que dexen pasar l'agua y frenos que chirríen qu'asusten. Queremos equí entos, centranos nel problema del trabayador, que sofre al llau de los viaxeros estes deficiencies. Non solu tien de conducir un mediu de tresporte que dexa muncho que desear en cuantes a seguridá, sinón que faenlo soportando una deuda nos pagos que se resume n'una media de 1600 euros por paga de ca trabayador, y que na so totalidad fai una suma de más de 200.000 euros.

Declaraciones tomáes por diversos medios de comunicación, a varios trabayadores d'esta plantilla, aseguren que les acusaciones nun puen erradicar solo n’esto, sinon que la empresa suma deudes tamién cola seguridá social y proveedores.


La direutiva de la empresa, pela so parte, fai usu del silenciu y nun se pronuncia al respeutu, ante denguna de les reclamaciones. Dende Conceyu Abiertu por Mieres desiximos que s'asuman les responsabilidaes pertinentes por parte la patronal, y dean la cara ante les más de doscientes denuncies presentaes pola plantilla. Con esti comunicáu queremos acercar a la ciudadanía del conceyu de Mieres, tanto si se sirven del serviciu d'esta empresa comu si non, cual ye la realidá n’esti casu, y tresmitir tol apoyu que necesiten estos trabayadores. Necesitase un compromisu real, y un brazu nel que puean confiar los afectaos, yá que dende arriba lo únicu que reciben ye indiferencia, falta de tresparencia y robos. Esti brazu tien de tar compuestu por tolos coleutivos y presones, ente los que nos incluimos, pa que les fuercies pasen a ser una sola fuercia, la de la xusticia.


¡Desiximos responsabilida, desiximos pagos y desiximos xusticia!

sábado, 17 de noviembre de 2012

lunes, 12 de noviembre de 2012

Esti miércoles ¡FUELGA XENERAL!

 
¡Esti miércoles a la FUELGA XENERAL!

Contra:

- Los recortes en drechos, servicios públicos y llibertaes.
- Los procesos de privatización y elitización de lo que ye de toxs.
- Les imposiciones del capitalismu y l'Estáu Español.
- La complicidá'l Gobiernu del Principáu d'Asturies.
- La situación pergrave que vive'l nuesu pueblu.

Por:

- Un modelu social y económicu alcordies cola xente y les sos necesidaes.
- Una salida digna d'Asturies de les grandes estructures de dominación social (OTAN, UE, Reinu d'España...).
- Un marcu asturianu de relaciones llaborales.
- Una articulación de contra-poder dende la base.
- Una Asturies soberana y socialista.

¡PUXA ASTURIES! ¡PUXA LA LLUCHA DE LA CLAS OBRERA!

miércoles, 7 de noviembre de 2012

El paru sigue medrando nes cuenques mineres

Los valles mineros rexistraron n'Ochobre 16606 paraos,nuevu másimu hestóricu.
Les cuenques sofrieron un aumentu de 526 desemplegaos nel últimu mes y ya sumen 2742  mas que fae un añu , lo que supón un incrementu del 19%.

Futuru p'asturies!
Futuru pa les cuenques!

miércoles, 31 de octubre de 2012

Mocedá nun emigres: ¡ LLUCHA !


La meyor manera de finar cola situación d’entreguismu y emigración que carecemos ye la desobediencia civil contra    l’Estáu Español y los políticos que lu representen n’Asturies.

viernes, 19 de octubre de 2012

Marcha Ecolóxica



MARCHA ECOLÓXICA - Sienda de Santa Bárbola - Samartín del Rei Aurelio.

Salida:  Sábadu 27Dende'l pueblu de Perabeles a les 9 de la mañana.

Tornada: A les 5 de la tardi.

Itinerariu: Perabeles, El Molinón, L'Escobal, Les Argayaes, La Llera, Veró, El Valle les Fuentes, La Colladiella, Los Caleyos, El Rezaleru, Peraveles.

Al atapecer repondremos fuercies con un prestosu AMAGÜESTU nel Chigre Los Ribayos.



Conceyu Abiertu por SMRA

lunes, 15 de octubre de 2012

sábado, 29 de septiembre de 2012

Conceyu Abiertu por Llangréu pide la dimisión del gobiernu llocal pol escándalu de los Talleres del Conde





L'Ayuntamientu de Llangréu aprebó a la fin de forma oficial la suspensión del proyeutu de recintu ferial nos terrenos qu'ocupen los Talleres del Conde, en La Felguera. Nel vienres 28 de setiembre votose nel plenu municipal la paralización de les obres col votu a favor de PSOE, Izquierda Xunida y PP. Depués de meses d'inactividá, silenciu y escurantismu estes últimes selmanes l'equipu de gobiernu del PSOE en Llangréu yá foi dexando clara la so posición y la situación d'esti proyeutu. Agora'l proyeutu ta suspendíu de forma temporal de manera oficial, anque too paez indicar que la suspensión del proyeutu ye dalgo definitivu.
 
Dende Conceyu Abiertu por Llangréu pidimos de forma clara la dimisión de la totalidá de los responsables del equipu de gobiernu de Llangréu. Nun solo tamos falando d'una xestión nefasta, nin tampocu de despilfarru de dineru públicu, sinon que tamién el gobiernu llocal trató d'escuender la situación de pre-suspensión demientres dellos meses, llegando inclusu a mentir de forma clara a los llangreanos. Creemos qu'esti equipu de gobiernu yá tuvo'l so tiempu pa revertir la situación, pero'l gran desembolsu de dineru públicu pa proyeutos bien cuestionables, la mentira y la non finalización de dichos proyeutos ye la seña d'identidá del PSOE en Llangréu.

Atalantamos qu'esta suspensión ye definitiva, pesie los intentos de mazcaritar la situación como temporal y creemos que la xestión del Ayuntamientu nesti aspectu ye nefasta. Nel so día los vecinos y vecines del Conceyu de Llangréu yá amosaron ciertu descontentu claru col proyeutu inicial pero'l PSOE llocal, llideráu d'aquelles por Esther Diaz, tiró p'alantre con esti proyeutu. Esta iniciativa del gobiernu llangreanu de María Fernández supón hasta anguañu, que sepamos toles llangreanes y llangreanos, una inversión de más 1.800.000 euros, un dineral tiráu polos nuesos gobernantes llocal a la basoria.

Col dineru invertíu nesti fracasu, podríamos tener meyores equipaciones culturales, inversión n'industrialización o facer un desembolsu importante n'ayuda y prestación social, necesidaes que dende Conceyu Abiertu por Llangréu si qu'entendemos que son prioritaries. Poro, como yá diximos, atalantamos necesaria la dimisión del gobiernu llocal y desiximos que pidan disculpes públiques a tola ciudadanía llangreana por esti vergoñosu espectáculu. Pa finar, pidimos que s'investigue tol procesu d'esti proyeutu, yá que podríen dase irregularidaes importantes na xestión d'esti proyeutu, dalgo mui típicu nes iniciatives qu'empobina'l PSOE n'Asturies.

lunes, 24 de septiembre de 2012

Desconvocada la fuelga en ArcelorMittal

La empresa da marcha atrás na intención de descolgase del conveniu aplicando la reforma llaboral y aceuta negociar un nuevu acuerdu ensin presiones.

martes, 18 de septiembre de 2012

Conceyu Abiertu por Samartín pide l'esbroce y llimpieza de la vía L'Entregu-Bimenes

La formación popular Conceyu Abiertu por Samartín del Rei Aurelio desixe que se lleve a cabu esta actuación, desixida dende va tiempu por asociaciones vecinales y que se ta retrasando según denuncien nun comunicáu.
Conceyu Abiertu por Samartín desplica que "L'Asociación de Vecinos La Güeria Carrocera lleva yá un tiempu reclamando al Principáu trabayos de llimpieza y esbroce na carretera AS-338, que comunica L'Entregu con Bimenes. La última petición formal d'esta asociación vecinal ye d'entamos d'añu y entá estos vecinos de La Güeria Carrocera recibieron una rempuesta'l Principáu pa qu'actúe nesta vía autonómica. Coincidimos colos vecinos na necesidá d'una actuación urxente nesta carretera, yá que los llaos de la vía tan tomaos pola vexetación y les cunetes tan saturaes, nun drenando l'agua en casu lluvia y faciendo esta situación que l'agua desbórdese pela calzada ya inclusu entre nes cases de la xente. Amás, dalgunes de les señales de seguridá de la carretera nun se ven, lo que podría xenerar situaciones de peligru"
Al tiempu, denuncien que "Los vecinos lleven reclamando, como dicimos, una actuación al Principáu, que ye'l responsable, y una mediación al gobiernu llocal de Samartín del Rei Aurelio. L'actitú hasta'l momentu foi de autoritarismu y pasotismu con esti problema, non solo nun actuando pa iguar la situación, sinon inorando les peticiones formales y nin dignándose a dar una rempuesta formal del tipu que seya'l gobiernu. Dende l'asociación vecinal tamién reclamen la instalación d'una barandilla na ponte la Villa San Xosé, una obra que dende Conceyu Abiertu por SMRA tamién atalantamos como básica".
Amás, dende CA por Samartín espeyen "solidaridá con estos vecinos y el nuesu apoyu a les sos peticiones queremos denunciar públicamente l'actitú del Gobiernu del Principáu de despreciu a estos vecinos del nuesu conceyu y el pocu compromisu del Ayuntamientu de SMRA. Dambes instituciones tan gobernaes pol mesmu partíu, el PSOE, qu'una vuelta más espeya la so cara y la so natura antidemocrática y autoritaria. Camentamos que ye vergoñosa la falta de sensibilidá del PSOE coles necesidaes de la ciudadanía asturiana".
Tamién señalen que "les actuaciones han de tomase rápidu y han de ser afayaices pa estos vecinos y vecines. Aparte de consecuencies ambientales, de posibles inundaciones y de pérdides económiques la carretera nesti estáu tien unes deficiencies en seguridá víal sobre les que ye obligáu actuar pa iguar la situación de peligrosidá y de posibles accidentes"

lunes, 17 de septiembre de 2012

Frente al capital llucha social


                                                             Llangréu

miércoles, 12 de septiembre de 2012

Charra-alderique: "¿Qué 'plan de empleo' ye esti?"

L'Adepavan entama una charra-alderique pa esti xueves nel que se tratará alrodiu del polémicu Plan d'Empléu entamáu pol Ayuntamientu de Llangréu, que ta xenerando gran descontentu ente asociaciones y coleutivos sociales del conceyu asitiáu nel Valle'l Nalón. 

infoasturies.net

 

martes, 11 de septiembre de 2012

Conceyu Abiertu por Mieres - Aición de protesta pola abusiva xuba del preciu de bus en Mieres



El pasáu 20 d'agostu entró nel Conceyu de Mieres en vigor la xuba nel preciu'l billete de los autobuses municipales d'un 18 %, que se complemente cola xuba del 10% fecha fai dos años. Esta xuba empobinada pol gobiernu llocal y aprebada pol Principáu fai que'l tresporte públicu nel nuesu conceyu seya menos popular y munches persones, a la llarga, van notalo na so economía.
Creemos que los servicios públicos son intocables pero tamién ye intocable la so condición de serviciu y de contribución al bientar social. Sabemos que les arques municipales tienen un problema pergrande pero yá tamos fartos de ser siempres los mesmos, la mayoría social, los currantes, los que paguemos los pufos d'especuladores, políticos ensín ética nin principios y corruptos.
www.conceyuabiertu.org

jueves, 30 de agosto de 2012

miércoles, 29 de agosto de 2012

Los obreros de Thyssen paralicen por cuartu día la planta de Mieres

Los obreros de Thyssenkrupp Norte paralizaron ayeri la producción na planta de Baíña por cuartu día esti mes para esixir que se retome la negociación del conveniu coleutivu.

miércoles, 22 de agosto de 2012

El Centru Social La Semiente entama una campaña de recoyida de llibros escolares


Cola idea d'ayudar a les families del conceyu a superar esta “vuelta a la escuela” que tan difícil ta poniéndonos la crisis y el paru que sufrimos, el C.S.A. “LA SEMIENTE” pon en marcha una campaña de recoyida de material escolar y llibros de primaria y de la E.S.O. correspondientes al cursu 2011- 2012.
Aquelles persones que quieran donar los llibros del cursu pasáu de los sos fíos, van poder facelo nel llocal de “LA SEMIENTE”, o llamando al teléfonu 696- 20- 90-16 pa que pasemos a recoyelos. Estos llibros van quedar a disposición de les families que los precisen nel mesmu llocal de l'asociación, asitiáu na CALLE GARCÍA JOVE Nº 6 de L’ENTREGU, onde les persones interesaes pueden pasar a escoyer los que yos valgan pal cursu qu'empieza (2012- 2013) a partir del día 10 de setiembre.. A tal efectu, el llocal de l'asociación “LA SEMIENTE” va permanecer abiertu al públicu tolos miércoles y xueves de 5 a 7 de la tarde.
Asina mesmo, “LA SEMIENTE” tien la intención d'ampliar nun futuru esta iniciativa cola creación d'una Caxa de Solidaridá Vecinal, que recaudará ayuda pa les families del conceyu a les que la crisis ta poniendo en situación más precaria, y sobre la que se facilitaran más detalles en feches prósimes.

Fonte. lasemiente.blogspot.com


Revolución social!


Falen les muries!

miércoles, 8 de agosto de 2012

Conceyu Abiertu por Mieres, Llangréu y Samartín del Rei Aurelio esixen l'absolución total de les persones imputaes nel conflictu de la minería.


Depués de dos meses de fuelga indefinía nel sector mineru n'Asturies y onde trabayadores y ciudadanía entamaron aiciones reivindicatives d'estremáu calter el papel del Gobiernu del Estáu Español y el Ministeriu d'Industrial foi intransixente, zarráu y autoritariu. Non solo pola ensín razón a la hora de da-y una salida al conflictu y negociar, sinón tamién pola represión política y policial qu'hebo na cai y que siguirá habiendo nel nuesu país.
Alredor de cien ciudadanos y ciudadanes, los más trabayadores del carbón, fueron estes selmanes imputaos con estremaes causes xudiciales consecuencia de les movilizaciones sociales que se dieron pola continuidá de la minería y pol futuru de les cuenques mineres. La represión tuvo delles espresiones: detenciones, golpes, siguimientos, violencia simbólica, etc. Esta represión respondió a les intenciones d'esti nuevu golpe de muerte a los nuesos conceyos y el conxuntu de les cuenques mineres, nesti casu empobináu dende Madrid de la mano del PP y col silenciu compliz del PSOE n'Asturies.
Dende Conceyu Abiertu por Mieres, Llangréu y Samartín del Rei Aurelio queremos esixir l'absolución total de toles persones imputaes nestes selmanes de llucha minera y social yá qu'entendemos que l'escenariu d'anguañu ye otru. Atalantamos que la retirada de los causes xudiciales ye una reivindicación irrenunciable y sedría una midía democrática y que fadría xusticia col enfotu puestu por munches persones nes cuenques mineres nes movilizaciones. Amás queremos recordar que munches d'estes persones son vecinos y collacios de los nuesos conceyos y pueblos que tan pasando por una situación económica pergrave. 
www.conceyuabiertu.org

Marcha de les muyeres del carbón

La marcha entamará a les ocho de la tarde nel lavaderu del Batán con destin al monumentu al mineru xunto'l  campus de Mieres.

martes, 7 de agosto de 2012

viernes, 3 de agosto de 2012

CCOO y UGT dan por finalizaos los encierros y les movilizaciones de los mineros




La estela dexada polos mineros ye'l referente a siguir escontra los recortes y escontra la política criminal que ta llevando el gobiernu español, y  los sos collaboradores, escontra les clases más desfavorecies.
Pero'l conflictu nun fina equí, agora vien la represión. La llucha de la minería debe de tener el necesario respaldu social a les más de 100 persones implicaes en procesos xudiciales como consecuencia de les movilizaciones.

miércoles, 1 de agosto de 2012

lunes, 30 de julio de 2012

Conceyu Abiertu por Samartín esixe la dimisión del alcalde del conceyu Enrique Fernández

L'alcalde del Conceyu de Samartín del Rei Aurelio, Enrique Fernández, del PSOE, cobró 182,57 euros en conceptu de dieta completa y media dieta de manutención de gastos pol simple fechu d'acudir a la manifestación que se cellebró en Madrid el pasáu 11 de xunetu en sofitu del futuru del carbón. L'escándalu salió a la lluz nun plenu municipal y paez ser qu'otros ediles del PSOE de la Cuenca del Nalón pudieron percibir tamién dineru por esti fechu.

Dende la formación de ciudadanos Conceyu Abiertu por SMRA queremos espresar la nuesa refuga y la nuesa indignación con esta situación. Atalantamos que l'actual alcalde de SMRA Enrique Fernández debería pidir perdón públicamente a los nuesos vecinos y dimitir darréu como forma de rectificar de forma honesta. Poro, pidimos públicamente la dimisión d'Enrique Fernández como alcalde del municipiu depués d'esti casu de corrupción y escándalu éticu. Amás too paez indicar qu'esti alcalde cobró'l so salariu'l 18 de xunetu, día nel qu'en les cuenques mineres teníemos convocada una fuelga xeneral, que por ciertu esti señor dixo sofitar.

Mentantu los trabayadores faen enzarros baxo tierra nos pozos, prenden barricaes, caminen hasta Madrid o s'arriesguen a vivir multes y represión, estos señoritos del PSOE dicen defender el carbón asturianu pero siempres y cuando enllenen el bolsiellu propiu. Esti fechu vergoñosu y tarrecible ye un claru espeyu de la postura del PSOE respectu al problema del carbón o cualesquier conflictu social, onde dicen tar dellau del pueblu y los trabayadores pero siempres tira-yos más la defensa del estáu de les coses, la represión a los movimientos sociales y la corrupción. Dende Conceyu Abiertu por SMRA caltenemos que la presencia d'esti señor en Madrid ye un simple xestu oportunista y partidista y queremos tresmitir al nuesu alcalde que les lluches populares apóyense día a día y col corazón, con altruismu y sinceridá.

www.conceyuabiertu.org

domingo, 29 de julio de 2012

Dos comunicaos de Conceyu Abiertu por Mieres


Depués de saber que'l gobiernu llocal de Mieres d'Izquierda Unida, nun va recurrir la sentencia qu'anula l'axuste o recorte municipal sobre trabayadores del conceyu entendemos dende Conceyu Abiertu por Mieres que s'abre un nuevu escenariu. El recorte comtempla 1,4 millones d'euros al añu nos sueldos de los y les trabayadores municipales. Esti recorte nun afeuta a les perceiciones que reciben los partíos políticos con representación nel conceyu, pesie a que l'axuste llocal ye yá de 3'2 millones d'euros.
Dende Conceyu Abiertu por Mieres queremos tresmitir la nuesa posición respeutu a esta situación, la cual mos paez vergoñosa. Agora que paez que sindicatos y alcaldía van sentase p'aldericar camentamos qu'hai de dexar delles coses clares si queremos tener una solución equilibrada al gran problema qu'hai en Mieres. En primer llugar, dexar claro qu'entendemos que ye necesariu que l'axuste afeute de forma direuta a los grupos políticos que tienen representación nel conceyu y nun recaigan sobre los trabayadores públicos municipales. Dende que'l gobiernu d'Anibal Vázquez algamó l'alcaldía de Mieres ta pidiendo sacrificios a los emplegaos y emplegaes del Ayuntamientu y la ciudadanía pero entá nun tocaron los sos sueldos. Poro, Conceyu Abiertu por Mieres considera esti proceder del gobiernu d'IU como unilateral, egoista y pocu éticu nos tiempos que cuerren, y más sabiendo la situación económica y social del Conceyu de Mieres

.
Conceyu Abiertu por Mieres llamenta l'ERE nes plantes de Rioglass Solar en Mieres y L.lena

Les ciudadanes y ciudadanos qu'integramos la formación Conceyu Abiertu por Mieres vemos con preocupación la decisión de la direición de Rioglass d'aplicar un ERE nes factories de L.lena y Mieres qu'afeutaría a la totalidá de dambes plantiyes. L'ERE entamará a aplicase dende l'entamu del mes d'agostu y tien poques vistes de ser reversible. Dende la direición de la multinacional argumenten la so decisión na falta d'actividá y la falta pidíos que se tan dando anguañu a estes fábriques.

Dende Conceyu Abiertu por Mieres queremos tresmitir la nuesa solidaridá activa con tolos trabayadores que van sufrir esti plan y que va suponer la estinción de los sos contratos llaborales y la so incorporación a la llarga y escandalosa llista de paraos y paraes que tenemos n'Asturies y nestos conceyos. Vemos esmolecíos y esmolecíes como tol sector llaboral de les comarques mineres y de la zona del Caudal va cayendo rápidamente demientres les empreses siguen teniendo beneficios millonarios. Esti casu ye un más. Si bien Rioglass Astur quier zarrar la so actividá na nuesa comarca, l'añu pasáu abrió una factoría la multinacional n'Estaos Xuníos invirtiendo 33 millones d'euros. Una vegada más les direiciones empresariales pisen los drechos y necesidaes de la mayoría social si pa ello ye necesariu caltener los sos astronómicos beneficios.


sábado, 28 de julio de 2012

Los medios callen,la llucha sigue

Un piquete de mineros cortó ayeri durante más de cuatro hores el tráficu ferroviariu tras cortar les víes del tren a l'altura de la llocalidá llionesa de Ciñera.
N'asturies, los mineros cortaron la carretera que xune Caces y Trubia, en Uviéu, a l'altura de Fansorda, así como la vía de Feve que pasa pola zona.
Los medios de comunicación callen e intenten silenciar el conflictu.

Asina taba Ciñera ayeri

lunes, 23 de julio de 2012

Corten l'acesu a camiones internacionales

Un grupu de mediu centenar de mineros mantienen cortau l'acesu de camiones internacionales a la central térmica de Compostilla.
El actu de protesta entamó a les 8.00 hores de la mañana de esti llunes y prolongase al menos durante dos xornaes, tiempu nel que los mineros organizaranse en turnos de unes 50 o 60 persones pa evitar l'acesu de carbón internacional a la planta térmica.

domingo, 22 de julio de 2012

Soria aceuta la negociación


El ministru Soria afirma que el Gobiernu ta abiertu al diálogu y  llama a centrales y Carbunión a negociar un nuevu plan minero pal periodu 2013-2018, eso sí «baxo las prescripciones del programa del cierre firmado pol PSOE y de la Xnión Europea». 

viernes, 20 de julio de 2012

Tornen los piquetes

Los piquetes mineros tornaron a cortar güei les carretes,el principal corte fizose na carretera AS 1 a l'altura de Llangreú.
Por otru llau mineros afiliaos al sindicatu CCOO acaben d'acampar delantre'l ministeriu d'industria  y el Museo del Prado

jueves, 19 de julio de 2012

Bloqueau un tren ente Xixón y Alicante


Un tren Alvia procedente de Xixón y con destín  Alicante permanez deteniu na estación de Renfe de Busdongo (Lleón) con 145 presones a bordu debio a la barricada que un grupu de mineros llevantó en les vies del tren l'altura de la llocalidá lleonesa de Ciñera.
Unes 150 presones,ente mineros y vecinos realizaron el piquete.

miércoles, 18 de julio de 2012

Una muyer de 54 años en estáu grave tras l'impautu d'una bala de goma durante la manifestación de sofitu a los mineros

Una muyer foi ingresada na UCI d'un hospital madrileñu poles consecuencies de l'impautu del arma, considerada "no letal", disparada na manifestación en sofitu a los mineros. Los familiares busquen testigos para poner una denuncia.

Los mineros corten Uviéu



Un conxuntu d'alredor de 150 mineros pertenecientes a CCOO cortaron güei el centru d'Uvieu en defensa de la minería.

La marcha comenzó na Plaza de Castilla y escoltados pola Policía Nacional  dirixieronse hacia'l cruce de la cai Hermanos Pidal cola Avenida de Galicia.

martes, 17 de julio de 2012

Dellos mineros releven a los mineros encerraos



Los mineros fueron recibios nel exterior por una sonora ovación y la emoción descomanada de los sos familiares y collacios


Toos ellos  salieon pol so propiu pie con gafes de sol y les sos primeres pallabres foron pa agradecer a toes les presones que los sofitaron y a los sos compañeros que tan nes barricaes.

lunes, 16 de julio de 2012

Segunda aición de los Mineros en Xixón el día de la clausura de la Selmana Prieta


Barricada de neumáticos ardiendo
Corte de la calle Mariano Pola a las 3:00 hores del domingu 15 de Xunetu, en las proximidades de la "Selmana Prieta" de Xixón, hores antes de la clausura.


La primera aición, en Xixón, de los mineros coincidió cola inauguración de la Selmana Prieta.




jueves, 12 de julio de 2012

La xente de La Felguera sal a la cai

Concentración espontánea peles cais de La Felguera en denuncia de la represión vivida ayeri en la manifestación minera de Madrid.


Esto acaba d'entamar

El Gobiernu d'España reprime la solidaridad obrera

Declaraciones d'asistentes ayeri na manifestación por Madrid.

La policía está realizando cargas brutales agrupada en pequeños bloques de 20 y 30 policías, arrollando lo que encuentra a su paso, entre otros, niños y ancianos y viandantes que intentan hacer uso del transporte público.

Han acudido a la zona al menos 6 ambulancias para atender a los incontables heridos. Los manifestantes tiran lo que tienen en las manos como respuesta a las cargas.



La policía empuja e intenta desalojar a las decenas de personas que ya están concentradas ante el Congreso tras la disolución de la marcha minera. También se concentra gente ante la sede del PP en Génova.

miércoles, 11 de julio de 2012

Ésitu masivu de la "Nueche minera" en Madrid




Miles de persones enllenen les cais de madrid en sofitu a los mineros.


Los mineros llegaben a Moncloa pasaes les 22 hores de la nueche énte un ablucante xentíu qu'asperaba a los integrantes de la "Marcha prieta", pa garrar depués rumbu a Sol. El Madrid obreru ta sofitando masivamente al coleutivu mineru desplazáu dende distintos puntos del estáu español -principalmente Asturies- nuna xornada previa a l amanifestación de mañana a les 11:00 hores de la mañana que pasará frente al Ministeriu d'Industria. Sicasí, el sofitu obreru a la llucha minera queda patente, con numberosos xestos de sofitu, almiración y respetu haza los mineros y la so llucha activa en defensa del so puestu de trabayu y del futuru de les cuenques.
infoasturies.net

martes, 10 de julio de 2012

La clase obrera toma Madrid

Una imaxen vale más que mil pallabres


Nueves agresiones policiales haza la llucha minera


El terrorismu policial cobra una nueva víctima.

Güei la movilización minera continuó con dellos cortes de carretera n'enclaves como La Doriga, Cornellana, la "Y" en Llanera y l'A-66 n'Olloniegu, onde dos barricaes cortaron el tráficu en dambos sentíos de los túneles d'El Padrún. Nesi sitiu foron prindaos pola Guardia Civil tres mineros cuando colaben del llugar en coche, recibiendo ún de los obreros una paliza qu'obligó a la so hospitalización nel HUCA d'Uviéu baxo estáu grave de salú pola xabaz actuación policial. Poro, les fuercies policiales destinaes a Asturies dende va delles selmanes pol conflictu mineru siguen coles sos impunes agresiones haza la clas obrera asturiana con una nueva paliza tres les rexistraes selmanes atrás.


Nueche de llucha n'Asturies


Esta nueche Asturies ta viviendo numberoses movilizaciones rellacionaes col conflictu mineru. La principal d'elles ta dándose en La Pola L.lena, onde un grupu de persones punxo un total de cuatro barricaes, dos cortando l'A-66 en direición Asturies-Lleón y otres dos pel mediu'l pueblu. La Guardia civil nun tardó en llegar y, como yá ye vezu, cargó con pelotes de goma y botes de gas escontra la población civil que miraba y sofitaba les aiciones de llucha. Según paez, hai deteníos, nun númberu tovía ensin confirmar (a la 1:00), amás de numberosos destrozos en bares, coches, faroles, y demás mobiliariu por culpa de l'agresividá policial.

D'otru lláu, Llangréu vivió la marcha, compuesta principalmente por muyeres, que foi dende'l Pozu Fondón hasta'l Candín, onde un grupu de mineros tan enzarraos dende va aprosimadamente mes y mediu. Tamién l'occidente tuvo'l so focu de llucha en Cangas con una marcha nocherniega en defensa de la minería.

Al otru lláu del Cordal, Ciñera ta viviendo calma tensa, col allumbráu públicu fuera de serviciu y numberoses barricaes, ensin intervención policial hasta'l momentu.

Complétase asina una nueche de llucha nes distintes cuenques mineres, de cuyes consecuencies siguiremos informando.






infoasturies.net