Marches multitudinaries sofitando a los mineros enzarraos nos pozos

El llunes fuelga xeneral y manifestación en La Felguera (Llangréu) 


Miles de persones salieron esta mañana dende Barredos (Llaviana), y el campus de Mieres haza'l Pozu Candín y el Pozu Santiago pa sofitar a los siete mineros enzarraos nestes esplotaciones mineres y que cumplen güei el vixésimu día de protesta. Les marches solidaries foron multitudinaries asoleyando'l sofitu popular a la llucha que caltienen los trabayadores de la minería pol futuru del sector. El llunes siguen les protestes nes cuenques mineres, onde ta convocada pa esti día una fuelga xeneral y a les 19 hores cellebrarase una manifestación dende'l parque Vieyu de La Felguera.


Infoasturies.net