Decorando les cais de Sotrondio coincidiendo coles fiestes

ASTURIES DIXEBRÁ

Murial de Darréu fechu esti 9/07/2013. Dende Darréu camentamos:
El Pueblu Asturianu tien de recuperar la so independencia política nacional pa poder desendolcarse de manera soberana como nación que ye. La soberanía p'Asturies ye vital pa poder salir de les cadarmes orgániques y estructurales del miserable capitalismu y avanzar haza'l Socialismu, un sistema socioeconómicu y políticu basáu na igualdá de toles persones qu'apare la mercantilización d'éstes y fine cola esplotación del home sobre l'home. Estes dos idees conxungaes, la de la soberanía y la emancipación social del Pueblu Asturianu tienen de dir xuníes a la solidaridá internacionalista colos demás pueblos del planeta na mesma situación

Contra la corrupción na Policia Llocal de Llangréu y contra'l despotismu del PSOE.

Ye un secretu a voces, pa tola xente de Llangréu, lo qu'asocede dientru de la Policía Llocal de Llangréu y polo que asocede. Irregularidaes y corrupción que yá fueron denunciaes pol sindicatu USIPA, por exemplu. El gobiernu llocal de Llangréu sigue, güei, calteniemdo los puestos nomaos a deu y sigue pagando sobresueldos illegales. Los servicios xurídicos del Conceyu de Llangréu reconocen dos fechos importantes, la illegalidá del organigrama de la Policía, con nomamientos a deu, ensín seleición nos mandos y la vulneración de la Llei de Presupuestos. Los sobresueldos añales superen los 300.000 euros.

Dende Conceyu Abiertu por Llangréu esiximos qu'estos fechos corruptos acaben d'una vegada y pidimos resposabilidaes polítiques y policiales. Altos cargos de la Policía Llocal y alcaldía tienen de salir a dar desplicaciones públiques y anunciar la so dimisión darréu. Tienen de dimitir por que tan faciendo corrupción de primera y ainda saliendo'l casu a la lluz nun aparen les irregularidaes y siguen col mayor despotismu del mundu, ensín da-y desplicaciones a los vecinos del conceyu.

Pa Conceyu Abiertu por Llangréu esta inñegable corrupción y esti despotismu espeyen perbien el nivel de democracia nulu que vive'l Conceyu de Llangréu. La gravedá d'esti asuntu nun afeuta a los caradures que gobiernen col “ordeno y mando” el nuesu conceyu. Ye una vergoña tener a esta xente nel poder y creemos que la xente de Llangréu tien de rebelase contra esta mafia clientelista, corrupta y déspota.¡Yá ta bien

Reivindicatives fiestes de San Pedro en La Felguera

Toles semeyes puen vese nel facebook personal de Conceyu Abiertu por Llangréu.
Norabona compañeros!